KynoPlus | Kynoch Fertilizer

Mielies: Die 100 Meter Atleet – Gee Jou Gewas Die Beste Wegspring Met Kynoch

Schizandra Le Roux — Fri, 06 Sep 2024 08:44:16 +0000

Mielies: Die 100 meter atleet

Inleiding

Met die onlangse olimpiese spele, nog vars in ons gedagtes, kan ons die mielieplant vergelyk met ‘n 100 meter atleet. Daar is baie eienskappe wat ooreenstem tussen ‘n mielieplant en ‘n 100 meter atleet. Die mielieplant is van natuur ‘n vinnige gewas, maar met die nuwe genetika van die ultra-vinnige kultivars word die mielie nog vinniger geteel. Ons het geleer dat die mielie sy opbrengspotensiaal baie vroeg in die seisoen vaslê, maar met die ultra-vinnige kultivars mag dit so vroeg wees soos die V3-groeistadium. Hierdie is op ‘n uiters vroeë stadium in die mielie se lewenssiklus en met diè deurslaggewende inligting verstaan ons dat die wegspring van die mielie net so krities belangrik is, soos wat dit vir ‘n 100 meter atleet is. Die mielieplant, of die atleet, kan die beste wees, die fikste wees en die beste genetika bevat, tesame met die beste afrigting, maar as hulle struikel in die begin van die wedloop gaan hulle nie tot die beste van hul vermoë kan presteer nie. Wanneer die afsitsteken afgaan, moet alles reg wees van die begin af, om die beste wegspring te kan verkry. Die fotos hieronder wys hoe vroeg die mielieplant die pluim en die mieliekop begin vorm en onwikkel.

Kynoch Opti-Start

Die Opti-Start beginsel is ‘n holistiese benadering tot gewasproduksie wat Kynoch volg omdat gewasvoeding net ‘n deel uitmaak van die totale sukses; daarom word daar baie gefokus op die agronomiese aspekte van die boerdery om die beste wegspring vir die mielies te kan bied. Opbrengs word hoofsaaklik deur drie primêre faktore gedryf, naamlik klimaat, gewas en die grond. Die produsent het nie beheer oor klimaatsfaktore nie, maar kan wel die beste potensiaal skep om moontlike stresvolle weersomstandighede beter te kan hanteer. Gewasfaktore behels kultivar keuse, plantdiepte, plantestand, rywydte, wisselbou, onkruid- en plaagbeheer. Grondfaktore soos grondtipe, bewerking en saadbedvoorbereiding, asook water- en soutbestuur, moet ook in ag geneem word. Nadat al die agronomiese elemente in plek is, sal plantvoeding eers tot sy reg kom. Die “4R”-beginsel word in ag geneem wanneer besluite geneem word oor die mees beste kunmisopsie; met ander woorde, die (a) regte bron, (b) regte plek, (c) regte hoeveelheid, asook (d) die regte tyd. Al hierdie vier komponente moet in plek wees om verbeterde doeltreffendheid van kunsmis te bewerkstellig.

Kynoch-wegspring-produkte

Omdat mielie-wegspring binne ‘n gegewe seisoen van kardinale belang is, is dit noodsaaklik om die regte produkte te gebruik op die regte plek. Kynoch het ‘n wye verskeidenheid gespesialiseerde produkte van hoë-gehalte wat wetenskaplik geformuleer is om mielies die beste wegspring moontklik te kan gee. Kynoch bied die produsent ‘n tegnologies-gedrewe gestabiliseerderde ureum-korrelkunsmis (KynoPlus®) met verminderde verlies, en ook veiliger vir gebruik in plantmengsels. Die ULTRA®-reeks voorsien noodsaaklike mikro-elemente (op elke korrel) wat die potensiaal en wegspring nog verder verbeter. Die Miracle reeks het ‘n verbeterde kaliumbron, plus adisionele swael en silikon, en die CASUMA®-reeks bevat sekondêre elemente wat essensieël is vir ‘n goeie begin. Gesels verder met u Kynoch-landboukundige vir leiding oor pasmaak-produkte om saailinge te ondersteun, wortelgroei te stimuleer, saailinge te ondersteun teen vroeë stres-toestande (soos koue en nat weerstoestande); met ander woorde dus met ‘n beter wegspring soos die van ‘n sterker atleet.

Kynoch bied verbeterde doeltreffendheid deur innovasie. Dit sluit in ‘n reeks van deurdagte produkte vanaf die laagste vlak tot en met hoë-toegevoegde tegnologie, asook flinke en toegewyde diens. U tevredenheid is vir ons belangrik. Vir meer inligting kontak u Kynoch verteenwoordiger en/of landboukundige. Saamgestel deur Jason Sparrow (SACNASP Nr: 400202/11; 0828055177; jason.sparrow@kynoch.co.za) en Edward Dwyer (SACNASP Nr: 148614; 0715494486; edward.dwyer@kynoch.co.za), Kynoch landboukundiges, Noord-Kaap.

KynoPlus® K8024 (Act 36 of 1947)

Ultra Starter® K9001 (Act 36 of 1947)

Kynoch Fertilizer (Pty) Ltd Registration Number: 2009/0092541/07

Kynoch – Verbeterde doeltreffendheid deur innovasie

The post Mielies: Die 100 Meter Atleet – Gee Jou Gewas Die Beste Wegspring Met Kynoch first appeared on Kynoch Fertilizer.

LEEF IN INNOVERING

Schizandra Le Roux — Mon, 04 Dec 2023 10:28:51 +0000

LEEF IN INNOVERING

Dr Chris Schmidt, senior landboukundige, Kynoch

Dit is ons leuse en uitkyk. Kynoch glo in superieure praktyke in gewasproduksie; dit vorm die basis van stabiele en volhoubare produksiesisteme. Selfs met die beste en duurste tegnologie, as die basis van goeie praktyke (basics) nie reg en in plek is nie, bou die produsent tevergeefs. Kynoch deurdink deurentyd konsepte, want konsepte lei tot die ontwikkeling van superieure produkte; en nie andersom nie.

Twee sulke konsepte is beskikbaar, maar is nog nie ten volle deur Suid-Afrikaanse graanprodusente in graanverbouing ingespan nie. Twee van die grootste vyande van die saaiprodusent is verliese en oneffektiwiteit. Produsente wil nie onnodig “mors” deur te veel kunsmis te gee nie; maar slegs dit wat nodig is om ’n oes af te haal asook om grond op te bou (nie te myn nie). Tweedens moet verliese soveel as moontlik bekamp word. Met trots wil Kynoch weer eens aan die produsent die beskikbaarheid van urease-gestabiliseerde ureum (KynoPlus) en mikro-element-beklede korrelkunsmis (Ultra) voorhou.

KynoPlus
Aan die Suid-Afrikaanse graanprodusent is die konsep van ’n ureaseinhibeerder al heelwat gekommunikeer. Die pragtige blou korrels van KynoPlus is welbekend in die mark; die blou kleur is die kenmerk dat gewone wit ureumkorrels met ’n urease-inhibeerder behandel, oftewel bedek of beklee, is. Om die effektiwiteit van hierdie behandeling te illustreer, word die meegaande foto (Foto 1) van korrels wat deurgesny is, aangetoon. Die korrels is deurweek met die ureasebehandeling.
Die behandeling en kleur is nie net aan die buitekant van die korrel sigbaar nie, maar die hele korrel is deurweek. ’n Urease-inhibeerder word gebruik om vervlugtigingsverliese van stikstof tydens omskakeling vanaf ureum na ammonium te beperk. Sulke verliese onder verskillende toestande kan tot selfs 45% van toegediende stikstof wees.

’n Verdere aspek waaroor te min gepraat word, is die versagting van die ureum-karakter deur urease-inhibering. Normaalweg kan onbehandelde ureum die gevaar van saailingbrand skep waar dit te naby aan ontkiemende saad geleë is. Met die oplos en omskakeling na ammonium, word ammoniak vrygestel wat super toksies is vir ontkiemende saad. Deurdat ureum met ’n ureaseinhibeerder beklee word, vind omskakeling na ammonium stadiger plaas en doodbrandrisiko word aansienlik verminder. Gevolglik kan KynoPlus baie meer soos KAN as gewone wit ureum (onbehandel) aangewend word.

Ultra
Daar is ook al heelwat met die graanprodusent gekommunikeer oor die Kynoch Ultra-konsep. In Foto 2 word ’n deursnit van ’n enkele korrel vanuit ’n mengsel geneem aangedui. ’n Duidelike bruingeel bekleedsellaag rondom die korrel is opvallend. Hierdie bekleedsel sal nie maklik afvryf nie en is stewig aan die korrel geheg. Die konsep se effektiwiteit vanuit die aanleg, na die produsent, en na die grond by die gewas se “voete”, is stewig gesetel. Vanaf die vroegste oomblikke in die groeisiklus van die gewas is mikro-elemente “op ’n skinkbord” beskikbaar vir opname; dus deur alle kritieke periodes van behoefte en aanvraag. Trots effektief, ook vir sojabone.

Kynoch se Ultra-reeks bied mikro-elementbeklede korrelkunsmis.

’n Deurgesnyde Ultra-korrel geneem vanuit ’n kunsmismengsel om die bekleedsel van mikro-elemente aan te toon (foto-erkenning aan J Sparrow).

Vir meer inligting kontak dr Chris Schmidt, senior landboukundige van Kynoch by 0828858134 of stuur ’n e-pos na chris.schmidt@kynoch.co.za. Kontak u Kynoch-verteenwoordiger en -landboukundige om meer uit te vind oor hierdie produkte of om u bestellings te neem.

Klik hier vir aflaaibare PDF-weergawe

Klik hier vir meer inligting English | Afrikaans

Kontak jou naaste Kynoch-landboukundige of verteenwoordiger om jou spesifieke behoeftes te bespreek.

Kontakbesonderhede kan gevind word by https://www.kynoch.co.za/contacts/

+27 (0)11 317 2000 – info@kynoch.co.za – www.kynoch.co.za

<>

The post LEEF IN INNOVERING first appeared on Kynoch Fertilizer.