The post Grondontledings en die Mehlich-3-metode first appeared on Kynoch Fertilizer.

Kalium is een van die drie belangrikste primêre elemente wat ’n lewende plant benodig. Die meeste gewasse het ’n hoë kaliumbehoefte en boere moet hieraan aandag gee in hul bemestingsprogram.

Kalium kom vry en algemeen in die aardkors voor as deel van kleiminerale en onoplosbare mineraaldeeltjies. Hierdie kalium is gewoonlik ontoeganklik vir ’n plant en moet deur verwering afgebreek word om sodoende plantbeskikbaar te raak.

Die kalium in oplossing, asook die kalium op die uitruilkompleks, vorm deel van die poel plantopneembare kalium. Dié kalium, wat op die kleiminerale voorkom, word tydens ’n grondontleding gemeet.

Volgens J.J. van Biljon et al. is in 2008 bevind dat uit die 25 000 grondmonsters wat in die Vrystaat geneem is, daar by sowat die helfte ’n tekort aan kalium was. Die studie het bewys dat die drempelwaarde van kalium bo 125 mg/kg moet wees ten opsigte van die ammoniumasetaat- (NH4OAc) ekstraksiemetode.

’n Groot hoeveelheid kalium wat deur ’n gewas opgeneem word, word as graan verwyder.

Die afgelope 20 jaar het die gemiddelde mielie-opbrengs in Suid-Afrika van 2,7 ton/ha (2002-’03) tot 5,8 ton/ha (2022-’23) gestyg (sien GRAFIEK 1).

Die kaliumonttrekking is dus hoër, ’n uiters belangrike aspek wat boere in gedagte moet hou.

Sojabone word dikwels in die mieliegewasrotasiestelsel ingesluit danksy eersgenoemde se stikstofbindende vermoë, maar dit is een van die graangewasse met die hoogste onttrekkingsyfer van kalium. Dit onttrek 25-40 kg kalium/ton (Fertasa, 2016).

Kaliumtekorte verswak siekteweerstand en staanvermoë, en beperk ook ’n gewas se vermoë om stikstof te kan benut (Fertasa, 2016). Die feit dat kalium turgordruk in plante help reguleer en dus die oopen toemaak van huidmondjies bepaal, is ’n aspek waaroor teleurstellend min gepraat word.

Gevolge van tekorte

Kaliumtekorte by mielies word waargeneem as geel of nekrotiese blaarrande. Dit begin gewoonlik by die oudste blare aan die onderkant van die plant, gevolg deur verspreiding na die jonger blare. Indien die mieliekop oopgemaak word, is die pitte op die punt van die stronk kleiner en verkrimp.

Plante wat kaliumtekorte het, is ook geneig om maklik om te val.

Die beste manier om vas te stel of daar ’n kaliumtekort is, is om tydens blomtyd blaarmonsters van onder en langs die boonste kop te neem en na ’n geakkrediteerde landboulaboratorium te neem vir ontleding.

In GRAFIEK 2 word die gemiddelde kaliumvlakke van ’n paar landerye wat in 2012 die eerste keer chemies ontleed is, getoon. Die gemiddelde kaliumvlak was 139 mg/kg. In 2014 het die gemiddelde gedaal tot 98 mg/kg en in 2017 tot 60 mg/kg.

Kalium is van 2019 af aktief in die bemestingsprogram ingesluit. Dus het die kaliumvlak in 2020 tot 70 mg/kg gestyg en in 2023 tot 101 mg/kg.

Daar is altyd aanvaar dat daar genoeg kalium in die grond voorkom. Die reserwes is die afgelope paar jaar egter baie uitgeput deur die verhoogde gemiddelde opbrengs.

Kalium is uiters belangrik in gewasproduksie, daarom moet daar met groot sorg opgetree word om te verseker dat voldoende kalium vir optimale gewasproduksie in die grond voorkom.

Dit is van groot belang dat genoeg kalium by ’n gebalanseerde bemestingsprogram ingesluit word indien daar wel ’n tekort voorkom. ’n Beroep word op boere gedoen om in hierdie opsig ook voorkomend te beplan en nie net op tekorte te let nie.

Deur: Renier Bothma en Ruan Gagiano is landboukundiges by Kynoch Fertilizer.

Bronnelys

• 2016. Bemestingshandleiding. Agtste hersiene uitgawe. Pretoria, Suid-Afrika. J.J. van Biljon, D.S. Fouché en A.D.P. Botha.
• Threshold values and sufficiency levels for potassium in maize producing sandy soils of South Africa. South African Journal of Plant and Soil, 25 (2). Sagis.
• Historic Summary: Hectares & Production. www.sagis.org.za/Historic_Production_Info-2024-08-29.xlsx

The post Kalium nodig vir optimale opbrengs first appeared on Kynoch Fertilizer.

’n Teken van die inligtingsera waarin ons leef, is die feit dat produsente goed ingelig is. In ’n oogwenk word inlighting vanaf webtuistes bekom. Dit bring mee dat ’n produsent sommer self ’n paar berekeninge kan maak oor bemesting. Die inligtingsera bevat egter ’n klompie slaggate waarvan gebruikers bewus behoort te wees. Insig in die waarom, hoekom en oorsprong van tabelle en norme is nodig vir veilige interpretasies.

’n Gewilde berekening wat gemaak word wanneer dit kom by mieliebemesting, is dié van peile vir stikstof (N), fosfaat (P) en kalium (K) deur verwyderingsyfers te gebruik en met verwagte opbrengs te vermenigvuldig (mielieverwyderingsyfers in Tabel 1 aangedui).

Die inligtingsera bring mee dat ’n produsent sommer self ’n paar berekeninge kan maak oor bemesting.

As voorbeeld kan die benadering vanuit Tabel 1 demonstreer word: die NPK-peile vir mieliegraanverwydering van ’n 5 t/ha-graanopbrengs word bereken deur vyf te vermenigvuldig met 14,8, 3,1 en 4 vir ’n bemestingsbenadering van ongeveer 74 kg N, 15,5 kg P en 20 kg K per hektaar. ’n Meerderheid van berekeninge aanvaar dus dat die hoeveelheid NPK-bemesting dieselfde as graanonttrekking gaan wees; dus ’n 1:1-verwantskap tussen graanverwydering en bemesting aan die grond. Hierdie is ’n “agteruit-boer”-handeling, aangesien (a) die verwydering van voedingselemente na plantmateriaal ook plaasvind en nie slegs na mieliepitte nie; asook (b) dat daar verliese in die grond plaasvind wat agterweë gelaat word.

Die netto effek is dat meer voeding onttrek word as wat gedeponeer word. Dit is om hierdie rede dat die N-aanbevelingstabel in Fertasa se Bemestingshandleiding (2016) nie net op opbrengs alleen berus nie, maar gegrond is op totale N-opname en N-lewering by verskillende klei-inhoude (Tabel 2).

Duidelik varieer die voorgestelde N-peile vanuit Tabel 2 vir ’n klei-inhoudreeks tussen 1% en +50%, tussen 123 en 60 kg/ha. Dit verskil betekenisvol van die berekende voorbeeld van 74 kg/ha N (soos bo), wat sal behels dat op kleigrond voldoende N voorsien sou wees, maar heeltemal te min op ’n sanderige grond. Van die 1:1-verhouding waarvan vroeër melding gemaak word, is daar tussen die genoemde N-peil-waardes oor klei-inhoud heen slegs sprake by meer klei-tipe gronde, maar geensins by sandgronde nie. Dit stem ooreen met die Mielie-inligtingsgids van die Landbounavorsingsraad (LNR) waarin melding gemaak word van stikstofbehoeftefaktore. In die geval van Tabel 2, is die N-behoeftefaktore in die syfers ingewerk.

In Fertasa se Bemestingshandleiding (2016) word ook aan duidings verskaf oor die hantering van bemestingsnorme vir P en K. Produsente word versoek om met kundiges te skakel en erkende publikasies te raadpleeg oor bemestingsnorme. Dit bly egter belang rik om voedingsvlakke in die grond deur erkende ekstraksies te laat bepaal en in ag te neem gedurende bemestingsberekeninge.

Bronne

1 Fertasa. 2016. Bemestingshandleiding.

2 LNR-Instituut vir Graangewasse. Mielie-inligtingsgids. Potchefstroom.

Deur: Chris Schmidt en Hentie Cilliers, Kynoch

The post BEMESTING: slaggate in interpretasies en aanbevelings first appeared on Kynoch Fertilizer.

As deel van die ETG-groep is Kynoch deeglik bewus van ons sosiale verantwoordelikheid in die landbou om by projekte betrokke te raak waar bestaans- en opkomende produsente ter sprake is. Ons voetspoor is nie net tot Suid-Afrika beperk nie, maar strek oor die hele kontinent.

Vir Kynoch is die opheffi ng van gemeenskappe in ons bedieningsareas nie net “die regte ding om te doen nie”, maar dit is ’n groot verantwoordelikheid en ’n gepaardgaande voorreg om by projekte betrokke te raak. Die maatskappy is betrokke by klein tuinbouprojekte in plaaslike gemeenskappe, sowel as grootskaalse projekte waar georganiseerde landbou betrokke is.

Kunsmisaanbevelings

Elke projek het natuurlik sy unieke uitdagings, maar die verlede het bewys dat die kwaliteit van kunsmisaanbevelings en die fi siese kwaliteit van die produk sommige van die redes was waarom projekte gefaal het. Sommige projekte het nie die beste kunsmisaanbevelings en kwaliteitkunsmis ontvang nie. Finansiële uitdagings het gewoonlik ’n oorheersende rol daarin gespeel. Die voorligtingsbeamptes van die onderskeie provinsiale departemente het, as gevolg van verskeie redes, nie oor die tegniese kennis rakende kunsmisaanbevelings beskik nie. Die gevolg was dat die projekte nie finansieel volhoubaar bedryf kon word nie.

Volgehoue landboukundige ondersteuning is deurslaggewend vir die sukses van sulke projekte en daarin slaag Kynoch uitstekend met ons uitgebreide ondersteuningsnetwerk deur die hele produksieperiode.

Ons plaaslike agente speel ’n kardinale rol by skole wat tuinbouprojekte bedryf. Hulle is aktief betrokke vanaf die keuse van die perseel tot by die oes van die produkte en die vestiging van die volgende groente en/of vrugte. Kynoch beskik oor klein verpakkings (1 kg-, 2 kg- of 5 kg-verpakkings) wat pasgemaak is vir die mark en ook vervoer vergemaklik. Nie net word kwaliteitprodukte aangebied nie, maar deurlopende opleiding en ondersteuning word verskaf.

Grondontledings

’n Tweede beperking of uitdaging is dat die basis van kunsmisaanbevelings, naamlik grondontledings, gewoonlik ontbreek of baie verouderd is. Die opkomende produsente kry dan nie die korrekte agronomiese aanbevelings nie, wat hulle dadelik op die agtervoet plaas. Kynoch se filosofi e is dat daar geen onderskeid is tussen kommersiële en opkomende produsente se kunsmisaanbevelings nie.

Ons landboukundiges neem natuurlik elke boerdery en projek se unieke omstandighede in ag met die samestelling van aanbevelings.

As gevolg van fi nansiële beperkings was die kwaliteit van die kunsmis ook gereeld ’n probleem wat opbrengste nadelig beïnvloed het. As verantwoordelike vennoot in die projekte is kwaliteitkunsmis vir Kynoch ononderhandelbaar. Die sosialeverantwoordelikheidsprojekte se kunsmis word by Kynoch se fasiliteite vervaardig met dieselfde rou materiaal en kwaliteit as vir kommersiële kliënte. Die plantmengsel en bobemesting word volgens agronomiese beginsels aanbeveel en volgens die aanbevole kilogram per hektaar toegedien.

Een van die sosialeverantwoordelikheidsprojekte waarop Kynoch uiters trots is om betrokke te wees, is Graan SA se eenhektaarprojek.

Kynoch is tien jaar gelede deur Graan SA genader om deel van die Beyond Abundance-projek te word. Die projek behels dat bestaansboere oor die hele Suid-Afrika, maar hoofsaaklik in die Oos-Kaap, KwaZulu-Natal en Limpopo, wat eenhektaar- bestaansboerderye bedryf, voorsien word van kunsmis, saad, kalk en chemiese produkte in kleiner verpakkings as deel van die insetverskaffers se sosialeverantwoordelikheidsprogramme. Daar is streng kwalifi kasiekriteria waaraan voornemende deelnemers moet voldoen om tot die projek toegelaat te word.

Die uniekheid van die projek is dat daar van die produsente verwag word om vir ’n persentasie van die totale insette ’n fi nansiële bydrae te maak. Dit skep verantwoordbaarheid en ’n gevoel van eienaarskap vir die bestaansboere en dit is die sleutel tot sukses van die projek. Daar is letterlik ’n waglys om tot die projek toe te tree.

Die feit dat die produsente deur Graan SA se mentors bestuur en bygestaan word, is ook grootliks verantwoordelik vir die sukses van die projek. Die mentors het ten volle toegang tot Kynoch se landboukundige span vir bystand en advies. Die projek het ook toegang tot Kynoch se ekstensiewe verspreidingsnetwerk wat geografi es oor die hele projek versprei is. Die gevolg is dat beskadigde produkte, vinnig vervang kan word.

Van die projekte is in die mees afgeleë lokaliteite in die land, wat die vervoer van kunsmis ’n groot uitdaging maak. Van die aflaaipunte is letterlik in die “boendoes”. Saam met Kynoch se inhuisvervoermaatskappy,

Tengwa Transport, en hulle subkontrakteurs, word vragte so effektief moontlik gekombineer en na die verskillende afleweringspunte versend. Met die hulp van die Graan SA-mentors word die aflaaiproses vergemaklik en word daar ook beheer oor die hoeveelhede uitgeoefen.

Kynoch se betrokkenheid by die Graan SA-projek is steeds ons vlagskipsosiale-verantwoordelikheidsprojek. Die verskil wat in gemeenskappe se ekonomiese, sosiale en geesteswelsyn gemaak word, is onmeetbaar in fi nansiële terme en dit verskaf ons die grootste plesier om by nuwe projekte in die toekoms betrokke te raak.

Deur: Jakes Du Plessis: Kynoch

Kontak Kynoch op 011 317 2000 of info@kynoch.co.za

The post KUNDIGHEID maak só ’n verskil first appeared on Kynoch Fertilizer.

Inleiding

Met die onlangse olimpiese spele, nog vars in ons gedagtes, kan ons die mielieplant vergelyk met ‘n 100 meter atleet. Daar is baie eienskappe wat ooreenstem tussen ‘n mielieplant en ‘n 100 meter atleet. Die mielieplant is van natuur ‘n vinnige gewas, maar met die nuwe genetika van die ultra-vinnige kultivars word die mielie nog vinniger geteel. Ons het geleer dat die mielie sy opbrengspotensiaal baie vroeg in die seisoen vaslê, maar met die ultra-vinnige kultivars mag dit so vroeg wees soos die V3-groeistadium. Hierdie is op ‘n uiters vroeë stadium in die mielie se lewenssiklus en met diè deurslaggewende inligting verstaan ons dat die wegspring van die mielie net so krities belangrik is, soos wat dit vir ‘n 100 meter atleet is. Die mielieplant, of die atleet, kan die beste wees, die fikste wees en die beste genetika bevat, tesame met die beste afrigting, maar as hulle struikel in die begin van die wedloop gaan hulle nie tot die beste van hul vermoë kan presteer nie. Wanneer die afsitsteken afgaan, moet alles reg wees van die begin af, om die beste wegspring te kan verkry.  Die fotos hieronder wys hoe vroeg die mielieplant die pluim en die mieliekop begin vorm en onwikkel.

Kynoch Opti-Start

Die Opti-Start beginsel is ‘n holistiese benadering tot gewasproduksie wat Kynoch volg omdat gewasvoeding net ‘n deel uitmaak van die totale sukses; daarom word daar baie gefokus op die agronomiese aspekte van die boerdery om die beste wegspring vir die mielies te kan bied. Opbrengs word hoofsaaklik deur drie primêre faktore gedryf, naamlik klimaat, gewas en die grond. Die produsent het nie beheer oor klimaatsfaktore nie, maar kan wel die beste potensiaal skep om moontlike stresvolle weersomstandighede beter te kan hanteer. Gewasfaktore behels kultivar keuse, plantdiepte, plantestand, rywydte, wisselbou, onkruid- en plaagbeheer. Grondfaktore soos grondtipe, bewerking en saadbedvoorbereiding, asook water- en soutbestuur, moet ook in ag geneem word. Nadat al die agronomiese elemente in plek is, sal plantvoeding eers tot sy reg kom. Die “4R”-beginsel word in ag geneem wanneer besluite geneem word oor die mees beste kunmisopsie; met ander woorde, die (a) regte bron, (b) regte plek, (c) regte hoeveelheid, asook (d) die regte tyd. Al hierdie vier komponente moet in plek wees om verbeterde doeltreffendheid van kunsmis te bewerkstellig.

Kynoch-wegspring-produkte

Omdat mielie-wegspring binne ‘n gegewe seisoen van kardinale belang is, is dit noodsaaklik om die regte produkte te gebruik op die regte plek. Kynoch het ‘n wye verskeidenheid gespesialiseerde produkte van hoë-gehalte wat wetenskaplik geformuleer is om mielies die beste wegspring moontklik te kan gee. Kynoch bied die produsent ‘n tegnologies-gedrewe gestabiliseerderde ureum-korrelkunsmis (KynoPlus®) met verminderde verlies, en ook veiliger vir gebruik in plantmengsels. Die ULTRA®-reeks voorsien noodsaaklike mikro-elemente (op elke korrel) wat die potensiaal en wegspring nog verder verbeter. Die Miracle reeks het ‘n verbeterde kaliumbron, plus adisionele swael en silikon, en die CASUMA®-reeks bevat sekondêre elemente wat essensieël is vir ‘n goeie begin. Gesels verder met u Kynoch-landboukundige vir leiding oor pasmaak-produkte om saailinge te ondersteun, wortelgroei te stimuleer, saailinge te ondersteun teen vroeë stres-toestande (soos koue en nat weerstoestande); met ander woorde dus met ‘n beter wegspring soos die van ‘n sterker atleet.

Kynoch bied verbeterde doeltreffendheid deur innovasie. Dit sluit in ‘n reeks van deurdagte produkte vanaf die laagste vlak tot en met hoë-toegevoegde tegnologie, asook flinke en toegewyde diens.  U tevredenheid is vir ons belangrik.  Vir meer inligting kontak u Kynoch verteenwoordiger en/of landboukundige.  Saamgestel deur Jason Sparrow (SACNASP Nr: 400202/11; 0828055177; jason.sparrow@kynoch.co.za) en Edward Dwyer (SACNASP Nr: 148614; 0715494486; edward.dwyer@kynoch.co.za), Kynoch landboukundiges, Noord-Kaap.

KynoPlus® K8024 (Act 36 of 1947)

Ultra Starter® K9001 (Act 36 of 1947)

Kynoch Fertilizer (Pty) Ltd Registration Number: 2009/0092541/07

Kynoch – Verbeterde doeltreffendheid deur innovasie

The post Mielies: Die 100 Meter Atleet – Gee Jou Gewas Die Beste Wegspring Met Kynoch first appeared on Kynoch Fertilizer.

Grondverdigting, swak gronddeurlugting, lae suurstofvoorsiening en versuipte toestande word meestal tegelykertyd waargeneem, of in assosiasie met mekaar, maar eersgenoemde drie kan ook afsonderlik van versuipte toestande voorkom.  Bogenoemde verskynsels het sekere direkte en indirekte invloede op plant- en wortelgroei.  Alle negatiewe invloede van grondverdigting is nie noodwendig as gevolg van swak deurlugting nie. Die indirekte invloede geld by ‘n langdurige gebrek aan suurstof.

Porositeit, lae vlakke van suurstof, wortelrespirasie, produksie van nadelige produkte:

Wanneer ‘n plant verby die saailingstadium is, dien die grondlug as bron van suurstof. Die suurstofinhoud neem skerp af met ‘n laer porositeit. Porositeit verlaag met toename in verdigting. Wanneer die grondporositeit verminder tot benede 10-12%, word die suurstofaanvulling baie stadig en sal die meeste plante gestrem word. ‘n Treffende voorkoms van sulke plante is hul bleek kleur. Wanneer mikrobe-aktiwiteit en wortelaktiwiteit hoog is, word ‘n nog hoër porositeit vereis om nog hoër suurstofvlakke te voorsien. By alle plantspesies sal wortelgroei behou word by ‘n suurstofvlak van 0.5%, maar slegs vir ‘n beperkte tydperk. Hierteenoor blyk dat alle spesies wortelgroei by ‘n suurstofinhoud van 2% te behou, maar die koolstofdioksiedinhoud mag nie 30-50% oorskry nie. Wortelgroei kan egter by ‘n lae suurstofkonsentrasie plaasvind, met voorbehoud dat suurstofvoorsiening teen ‘n konstante tempo plaasvind. Tydens ‘n proef op appelbome is gevind dat die wortelgroei by ‘n suurstofkonsentrasie van 1%, gebaseer op die droëmassa daarvan, slegs 35% was van die van ‘n boom onder normale omstandighede. Dus by ‘n afname in suurstofvoorsiening sal die groei, soos bepaal deur die groenmassa, die hoeveelheid blare, die blaaroppervlakte, en die wortelgroei, afneem. Verder het geen groei by sitrussaailinge voorgekom wat vir 8 dae met 37% koolstofdioksied, of vir 12 dae met 55% koolstofdioksied deurlug is nie. By rose is gevind dat die wat onder normale toestande op ‘n goed deurlugte grond gegroei het, se wortels dubbel so lank was as die wat op ‘n swak deurlugte grond gegroei het. Die vermoë van wortels om digte gronde te penetreer, kan voorsien word deur suurstof aan die wortelpunte te voorsien – eksperimenteel kan dit deur kalsiumperoksied-voorsiening teweeggebring word.

Met ‘n afname in suurstofkonsentrasie, neem die respirasietempo van die wortels ook af. Wortelrespirasie is die mees beïnvloedbare aspek van plantaktiwiteit in verhouding met gronddeurlugting en ‘n afname in respiratoriese aktiwiteit is die eerste stap in groeibeperkings in swak deurlugte gronde. Die uitsluiting van suurstof veroorsaak ‘n verandering van metabolisme na fermentasie. Etanolvorming geskied in ontkiemende sade, sowel as in wortels onder swak deurlugte toestande. Dit word gekoppel aan die plant se vermoë om onder versuipte toestande te probeer oorleef. Etanolproduksie is hoër by plante wat skielik aan swak deurlugte toestande onderwerp word, as die wat vir lang tydperke onder anaërobiese toestande groei. Verder vind by toestande van swak deurlugting en geen beskikbare suurstof ook die produksie van etileen en ouksiene plaas. Etileen word in die lote van die plante geproduseer wat blaarsteel-epinasie veroorsaak – die verandering in die hoek tussen die petiool en die stam. Ouksienproduksie veroorsaak direk of indirek die afwaartse buiging van blare van plante, die groei en ontwikkeling van bywortels, asook ontydige afspeen van reproduktiewe strukture of materiaal. Dit beïnvloed ook selverdeling nadelig.

Wortelgroei en –ontwikkeling

‘n Direkte negatiewe korrelasie bestaan tussen die brutodigtheid en die vermoë van wortels om in grond met ‘n lae porositeit te kan groei en ontwikkel. Wortels in ‘n verdigte grond verskil baie van dié in normale grond, deurdat dit baie korter, dikker en gekartel is, asook oor ‘n hoër droëmateriaalinhoud beskik. Die wortelrespirasietempo (koolstofdioksiedproduksie per eenheidswortelmassa) neem skerp toe met ‘n toename in brutodigtheid, veral by hoë suurstofvlakke. By ‘n goed deurlugte media is wortels gewoonlik lank, lig, gekleurd en wel voorsien met wortelhare. By die afwesigheid van voldoende suurstof, het wortels ‘n dikker voorkoms, korter, donkerder en minder wortelhare as gewoonlik. By gars op ‘n swak deurlugte grond byvoorbeeld, het ongeveer 225 wortels per plant gevorm, met ‘n gemiddelde lengte van 10.9 cm. Op die goed deurlugte grond het 75 wortels per plant gevorm, met ‘n gemiddelde lengte van 37.4 cm. Die wortels op die swak deurlugte gronde was ook 15% dikker in deursnee.

Grondtemperatuur

Normaalweg hoe hoër die temperatuur van die grond is, hoe hoër moet die konsentrasie suurstof in die grondatmosfeer vir normale wortelgroei wees. Dit is a.g.v. die toenemende oplosbaarheid van suurstof in die grondoplossing met ‘n toename in temperatuur. Alhoewel spesies verskillend reageer op lae suurstofkonsentrasies, sal almal egter by ‘n lae suurstofkonsentrasie groei staak. Dus, indien ‘n grond verdig is en geassosieer is met swak deurlugting en gevolglike laer vlakke van suurstofvoorsiening, sal die nodige kompensasie i.t.v. verhoogde suurstofvoorsiening nie kan plaasvind by verhoogde temperature nie.

Die grondwaterinhoud beïnvloed die grondtemperatuur wat op sy beurt ‘n impak het op wortelgroei. ‘n Afname in grondwaterinhoud veroorsaak gewoonlik hoër grondtemperature gedurende die dag en laer temperature gedurende die nag.

Plantvoedingstowwe

Vanuit proewe met soja en sonneblom is gevind dat die totale hoeveelheid suiker, stysel, stikstof, kalsium, kalium, magnesium en fosfaat meer was in die droëmateriaal van die plante wat op goed deurlugte grond gegroei het, as die op die swak deurlugte grond.  ‘n Tekort aan suurstof in die grond veroorsaak die volgende versteurings op sekere plantvoedingstofopnames :

• Stikstof – Veranderinge in plante a.g.v. lae suurstofvlakke verskil tussen en selfs binne plantspesies. By ‘n lae suurstofvoorsiening is stikstofopname altyd laer. ‘n Indirekte invloed van swak deurlugting en versuipte toestande sal die omsettings tussen NH4+ en NO3-, wees, asook gevolglike verliese d.m.v. vervlugtiging.
• Fosfaat – By ‘n lae suurstofvoorsiening (soos versuipte toestande) neem fosfaatopname heeltemal af. Na twee dae translokeer fosfaat vanaf die oudste blare na die jongstes. Na ‘n periode van twee weke sal 80% van die fosfaat in die jongste blare aangetref word. Verhoogde koolstofdioksied verhoog ook die fosfaatinhoud in die grondoplossing, wat weer ‘n afname in ysteropname veroorsaak.
• Kalium – Toestande van lae suurstofvoorsiening sal ‘n afname van kalium in alle dele van ‘n plant toon. Waarskynlik is kalium die gevoeligste element t.o.v. ‘n gebrek aan suurstof.
• Kalsium en Magnesium  –       Hierdie twee elemente bly minder afhanklik van gronddeurlugting as N, P en K.
• Natrium – Onder swak deurlugte toestande sal die Na-inhoud van stingels verhoog.
• Chloor – Onder swak deurlugte toestande, of suurstoftekorte, neem die Cl-inhoud van wortels af en die inhoud in stingels verhoog. Opname van Cl verhoog.
• Mikro-elemente – Die absorpsie van mikro-elemente neem af.

Waterabsorpsie

Onvoldoende deurlugting sal die opname van water direk verlaag en indirek, swak wortelgroei. Water word d.m.v. passiewe en aktiewe absorpsie opgeneem. By passiewe absorpsie is die wateropname deur die wortel afhanklik van die respiratoriese aktiwiteite, terwyl aktiewe absorpsie afhanklik is van aërobiese respirasie deur die betrokke plantwortels. Passiewe absorpsie is verreweg die belangriker meganisme van wateropname, terwyl slegs ‘n klein hoeveelheid water deur die tweede meganisme opgeneem word. Dus is afname in wateropname d.m.v. swak deurlugting op die passiewe absorpsie groter as wat deur aktiewe absorpsie voorsien kan word aan die plant. Die afleiding word dus gemaak dat die aanvanklike afname in wateropname eerder a.g.v. ‘n oormaat koolstofdioksied is, as van ‘n te lae suurstofinhoud.

Ontkieming van sade

In alle gevalle word ontkieming vertraag deur ‘n te hoë koolstofdioksied en ‘n te lae suurstofteenwoordigheid.

Plantsiektes

Die grootste indirekte invloed is waarskynlik plantsiektes wat a.g.v. ‘n tekort aan suurstof en/of die oormaat aan koolstofdioksied, die groei en leeftyd van die patogeen kan beïnvloed, asook die vatbaarheid van die gasheerplant kan verhoog.

Voorkoming van verdigting

Diep bewerkingsaksies moet uitgevoer word wanneer die grondvoginhoud laag genoeg is sodat die grond opbreek tydens bewerking, maar nie smeer nie. Meestal lewer spoorverkeer ‘n groter bydra tot verdigting, as implemente self. Deur spoorverkeer te beperk tot die minimum, asook die regte bewerking by die regte grondvogtoestande te beperk, kan verdigting tot die minimum beperk word – dus blyk beheerde spoorverkeer ‘n antwoord te wees.

Verwysings

Root growth through porous media, Soil Sci. Soc. Am. Proc., 29:290-293, 1965.

The Nature and properties of soils, Brady, 8th & 9th Editions,  Cornell University, New York, 1974 & 1984.

The importance of aeration in providing the right conditions for plant growth, J. Sci. Food Agric., 13:380-385, 1962.

Aeration and its role for plants, Glinski & Stepniewski, Institue of Agrophysics, Poland, 1983.

Soil aeration and plant growth, Adv. Agron., 18:57-106, 1966.

Effects of bulk density, aggregate size and soil-water suction on oxygen diffusion, redox potentials and elongation of corn roots, Soil Sci. Soc. Am. Proc., 32:180-186, 1968.

Introduction to soil physics, Hillel, 1982.

Soil factors affecting tree growth and root development in a citrus orchard, S. Afr. J. Plant Soil, 1(2), 1984.

Soil conditions and plant growth, Russel, 10th Edition, 1973.

Soil physical conditions and plant growth, Russel (ed. Shaw), Academic Press, 1952.

Effect of bulk density on root growth, Soil Sci., 91:280-288, 1961.

Modern Corn and Soybean Production, 1st Edition, Hoeft, Nafziger, Johnson & Aldrich, MCSP Publications, 2000.

Saamgestel deur Dr Chris Schmidt en Andre Prins

The post Die effek van swak gronddeurlugting en –verdigting op plant- en wortelgroei first appeared on Kynoch Fertilizer.

Blaarvoeding in pekanverbouing is geen nuwe konsep nie en is ‘n belangrike manier vir die volhoubare en effektiewe bestuur van die gewas. Die effektiwiteit van blaarbespuitings word deur talle faktore beïnvloed, insluitend konsentrasie van die spuitoplossing, pH van die oplossing, klimaat, chemiese formulasie van spuitstof en byvoeging van opname verbeteraars. Dit is egter ook belangrik vir die produsent om ingelig te wees oor watter voedingselemente gespuit moet word en die korrekte toedieningstyd vir elke element. Belangrik om te onthou is dat blaarbespuitings nie ‘n vervanging van grondvoeding is nie, maar eerder ‘n gereedskapstuk om die produktiwiteit en kwaliteit van die pekanboom te verbeter. Jong blare, vroeg in die seisoen moet veral voorsien word van addisionele voedingstowwe omdat die ontwikkeling van die blare dikwels die voorsieningstempo van die boom se reserwes oorskry.

Gedurende die groeiseisoen van pekan is daar drie belangrike tye waartydens sekere voedingselemente toegedien kan word vir optimale reaksie in die pekanboom :

Stuifmeel bespuiting (September)

Gedurende die begin van die pekanseisoen is die sogenaamde “basbespuiting” van uiterse belang. Die bespuiting vind plaas gedurende die stadium waar ogies van die boom amper begin oop maak en blomme glad, nognie sigbaar is nie. Die teiken hier is nie die jong ontwikkelende blare nie, maar wel die blomknoppies. Sink, boor, koper en yster verseker die suksesvolle vorming en integriteit van stuifmeel. Dus, verseker dié vroeë seisoen bespuiting dat die bestuiwingsproses optimaal kan plaasvind en die fondasie van die oes goed vasgelê kan word.

Nuwe blaargroei (“flush”) bespuiting (Oktober-Desember)

Gedurende dié groeistadium van die boom is daar ‘n interaksie tussen die boom se behoefte vir sekere voedingstowwe en die omgewing, wat lei tot ‘n beperking in voorsieningstempo vanaf boomreserwes. Vroeg in die pekanseisoen groei die blare teen ‘n vinnige tempo en die voorsieningstempo van voedingstowwe uit die boom kan nie altyd byhou nie. Veral sink, speel hier ‘n belangrike rol. Jong blare benodig sink vir ontwikkeling en die vervaardiging van chlorofil om fotosintese te optimaliseer.

Energie bespuiting (Januarie-Maart)

Dié fase in ontwikkeling word gekenmerk deur neutset- en vergroting. Fosfaat voorsien die boom aan energie vir die suksesolle vul van neute. Stikstof, magnesium en sink verseker optimale fotosintese. Boor en nikkel verminder waterfase bars (“water-stage fruit split”) en ondersteun die ontwikkeling van sterk selwande. Kalium help met die vervoer van stysel en verseker suksesvolle vulling van die neute.

Kynoch bied ‘n verskeidenheid van blaarvoedingsprodukte, insluitend TREE NUT OEMFF FLUSH® en TREE NUT OEMFF FRUIT®. Beide is produkte wat ‘n verskeidenheid van makro- en mikro-elemente bevat wat pasmaak geformuleer is vir spesifieke toediening gedurende die groeiseisoen. KynoFulvate-Yellow® wat ‘n fulviensuur produk is, kan by blaarvoedings gevoeg word om opname van elemente te verbeter. Tesame met blaarvoeding is die toediening van ‘n seewierproduk, soos KynoKelp®, ook voordelig om wortelgroei te stimuleer en omgewing stresfaktore teen te werk. Kontak gerus jou naaste Kynoch verteenwoordiger vir pasmaak oplossings vir jou pekanboord.

Vir meer inligting, kontak Wian Visser, Kynoch Landboukundige, by 011 317 2000.

Kontak jou naaste Kynoch-landboukundige of verteenwoordiger om jou spesifieke behoeftes te bespreek.

Kontakbesonderhede kan gevind word by https://www.kynoch.co.za/contacts/

+27 (0)11 317 2000 – info@kynoch.co.za – www.kynoch.co.za

<<Verbeterde doeltreffendheid deur innovasie>>

Kynoch Fertilizer (Pty) Ltd Reg No. 2009/0092541/07

Tree Nut Oemff Fruit® K11229 (Act 36 of 1947)

Tree Nut Oemff Flush® K11228 (Act 36 of 1947)

KynoFulvate Yellow® M261 (Act 36 of 1947)

KynoKelp® M314 (Act 36 of 1947)

The post Blaarbespuiting van Pekans – Wanneer en wat? first appeared on Kynoch Fertilizer.

Die vestiging van ‘n nuwe pekanboord is ‘n langtermyn belegging en moet dus reg uitgevoer word. Wanneer ‘n nuwe boord uitgelê word is daar talle oorwegings wat in ag geneem moet word nl. grondvoorbereiding, effektiewe gronddiepte, topografie, boom spasiëring en ry-rigting, tipe besproeiing en plantgat voorbereiding. Die een faktor wat dikwels nie aandag geniet nie, is grondvrugbaarheid. Alvorens die vestiging van ‘n nuwe boord, word die produsent aangeraai om die vrugbaarheidstatus van die grond te bepaal deur die trek van grondmonsters vir chemiese ontledings (sogenaamde “grid”-kartering). Op hierdie wyse kan grondregstellings dan geskiet om optimum grondvoedingsvlakke te verseker en boompies kan met minimale voedings-insette geplant word.

Die vraag wat dikwels tydens vestiging van nuwe boorde ontstaan, is “moet ek kunsmis gee in die plantgat?”. Indien geen vooraf grondregstellings gedoen is voor vestiging, is dit wesenlik om wel kunsmis in die plantgat toe te dien. Die hoof doel interme van voeding in nuwe aanplantings is om wortelgroei en -ontwikkeling te bevorder. Hier word geen fokus geplaas op die toediening van stikstof wat vegetatiewe groei bevorder nie. Suksesvolle ontwikkeling en vestiging van anker-, wateropname en voedingswortels sal ‘n groeikragtige saailing verseker met lae mortaliteit. Elemente van belang tydens vestiging is fosfaat, kalium en sink. Fosfaat is ‘n natuurlike wortelgroei-stimulant en verseker energieryke saailinge. Sink is belangrik vir die vorming van ouksiene binne in die boom wat verantwoordelik is vir selverdeling, dit lei tot suksesvolle plantgroei en ontwikkeling. Verder is sink ook ‘n belangrike stimulant. Pekans is ‘n meerjarige gewas en benodig kalium vir koolhidraat produksie om energie reserwes te bou.

Wanneer bemesting toegedien word tydens boordvestiging is dit altyd belangrik dat die produsent konsulteer met hul verteenwoordigende lanboukundige rondom die gebruik van die regte produkte. Pekansaailingwortels is uiters sensitief en slegs kunsmisprodukte met ‘n lae sout-indeks moet oorweeg word. Superfosfaat is ‘n goeie keuse as fosfaatbron, terwyl kaliumsulfaat of ‘patentkali’ (bevat kalium, magnesium en sulfaat) as kaliumbron gebruik kan word. Sink-chelaat bly ‘n goeie opsie tydens vestiging weens die lae brandrisiko van die produk. Die grootte van die plantgat sal bepaal hoeveel kunsmis gebruik kan word. Dit is belangrik om enige kunsmis tydens plant met die totale grondvolume te meng wat uit die plantgate verwyder is alvorens dit teruggeplaas word. Kunsmis plasing direk teen die saailinge se wortels kan dit brand en lei tot afsterwing van die boompies.

Laastens, is die gebruik van bio-stimulante is ook ‘n effektiewe manier om wortelgroei te stimuleer en omgewing stresfaktore teen te werk. Seewier en fulviensuur is beide ideaal vir die stimulering van wortel groei, wat sodoende effektiewe groei verseker en verbeter weerstand teen omgewing stresfaktore. Kynoch bied ‘n wye verskeidenheid van bio-stimulante, insluitend KynoFulvate Yellow® en KynoKelp® wat jou as produsent kan help om gesonde pekan boompies te groei. Die Kynoch span bied ook omvattende kunsmisprodukte en oplossings om die produsent by te staan tydens die vestiging van pekanneut aanplantings. Kontak gerus jou naaste area verteenwoordiger vir meer inligting.

Figuur 1: Een-jaar-oue gevestige pekan boord.

Figuur 2: Een-jaar-oue pekanboompies waar produsent steeds kontant gewasse boer tussen boom-rye

Figuur 3: Sterk gevestigde jong pekanboom

Vir meer inligting,kontak 011 317 2000. Deur, Wian Visser

Kynoch Fertilizer (Pty) Ltd Reg No. 2009/0092541/07
KynoFulvate Yellow® M261 (Act 36 of 1947)
KynoKelp® M314 (Act 36 of 1947)

The post Bemesting tydens vestiging van pekanneut aanplantings first appeared on Kynoch Fertilizer.

Kynoch Kunsmis streef na innovasie en waardetoevoeging vir die produsent. Daarom is dit vir ons belangrik om die produsent te kan ondersteun met die hele ketting van ontsluiting van hulpbronwaarhede en –inligting, gevolg deur waardetoevoeging afronding. Hou in gedagte dat ontledings die waarheid “praat”. Die onsluiting van hulpbronwaarhede en –inligting word gevind, eerstens in die bepaling van grondgebruiksinligting (grondopname) en dan tweedens deur chemiese monsterneming. Deurdagte voedingsvoorstelle ten opsigte van die gewas wat verbou gaan word rond die diens af.

Grondgebruiksinligting (Grondopname)

Dit is noodsaaklik vir die produsent om die hulpbronne waarop hy boer, te ken en te verstaan, om dit sodoende reg en optimaal te kan aanwend en te bestuur.  Die GETAILLEERDE GRONDOPNAME VERSLAG bevat die plaaskaart, grondvorms gevind op die gekarteerde area/s, effektiewe diepte van elkeen, die plantbeskikbare water wat die gronde kan huisves (ingesluit droogte interpretasie), ‘n aanduiding van die natheidsindeks van die gronde (tekens van natheid in die profiel), bewerkingsdiepte en –strategie, verdigtingsrisiko van gronde, en ook sones met hoë risiko vir gewasverbouing. Enkele ander kaarte is ook deel van die professionele uitdruk wat die produsent ontvang. Kaarte word elektronies vrygestel met ‘n opsie vir ‘n netjies gebinde boek. Die produsent kan nou risikos van toepassing op die grondhulpbron in perspektief plaas en bestuur vereenvoudig.  Dit behels dus dat geen onnodige onrealistiese verwagtings van sekere grondsones geskep word nie.

Chemiese monsterneming

Kynoch bied teen hoogs kompeterende pryse in die mark, en ook vinnige omdraaityd, monsterneming vir chemiese ontledings.  Dit kan gewone “boeremonsters” wees, of roostermonsterneming (“grid sampling”) volgens verskillende ruitgroottes, naamlik kwart-, half-, een-, twee- of vier-hektaar. Dit is belangrik vir ons om die ontledings by plaaslike, onafhanklike laboratoriums te laat doen.  Ekstraksiemetodes waarvoor Suid-Afrikaanse norme bestaan, word gebruik en ook so aan die produsent geadviseer. Kynoch wil nie net die verskille op kaarte raaksien nie, maar wil ook na aanleiding van die verskille maar akkurate bemestingsvoorstelle lewer. Soos met enige billike handelstransaksie, stel Kynoch die roudata aan die produsent beskikbaar. Insoverre dit die voorstelle van kalkgebruik, vir die opheffing van grondsuurheid, aangaan, bestaan geen vaste ooreenkomste met kalkmaatskappye nie.  Die kalk se eienskappe (ingesluit effektiwiteit), tesame met logistiek, word in ag geneem tydens ‘n bekalkingsvoorstel.  Omdat Kynoch gebruik maak van ekstraksiemetodes met Suid-Afrikaanse norme, word die beste waarde vir geld aan die produsent deurgegee.

Standaard grondontledings wat uitgevoer word, sluit in pH (KCl), uitruilbare suur met ‘n soutekstraksie, suurversadiging (by pH<4,5), Fosfaat-Bray 1, katione volgens ammoniumasetaat (Kalium, Kalsium, Magnesium en Natrium) in mg/kg en persentasie, en laastens die KUK berekening.  Ook word die skepdigtheid bepaal. Addisionele ontledings soos Swael (Ca-fosfaat ekstraksie), Boor (Warm water metode) en die ander mikro-elemente (Sink, Mangaan, Yster en Koper; DTPA-ekstraksie) kan akkomodeer word. Dieselfde kan ook vir die ondergrond uitgevoer word, met ‘n ope keuse van elemente.

Na ontleding by die landbou-laboratorium word verskillende chemiese kaarte opgestel, ingesluit sogenaamde regstellingskaarte. Kaarte word elektronies vrygestel met ‘n opsie vir ‘n netjies gebinde boek.

Deurdagte voedingsvoorstelle (en stresbestuur)

Na aanleiding van die spektrum van grondchemiese en –fisiese inligting, met inagneming van die gewas wat die produsent wil plant, kan die Kynoch Landboukundige ‘n plantvoedingsoplossing skep en voorstel.  Dit behels grondaanpassings (“regstellings”), hetsy voedingselemente, of bekalking.  Daarna word besluit op planterkunsmis ingesluit dit wat of vooraf toegedien word, of as bo-bemesting toegedien word (dalk beide). Die beste en mees geskikte opsies binne die Kynoch spektrum van produkte is beskikbaar, of voorskrifmengsels kan oorweeg word. Die produsent wil graag ‘n plant vestig met soveel wortels as moontlik, vir die skep van meer wortel-grond-kontak met beter water- en voedingselement-benutting.  Die interne hormoonproduksie binne die plant (wortels en bogronds) word ook verbeter. Na opkoms bestuur gaan grootliks oor die plant se gesondheid en afronding. Risiko kom dikwels vanuit die oord van klimaat (te droog of te nat) en biostimulante is hier handig. Dink gerus aan Kynoch se KynoKelp, KynoFulvate, RootBoost, Ultra-voedingselemente naby die wortels, wye Kynoch Oemff-reeks keuse, asook ander spesifieke element-produkte.

Saamgestel deur Dr Chris Schmidt (0828858134; chris.schmidt@kynoch.co.za) en Renier Bothma (0842470683; renier.bothma@kynoch.co.za), landboukundiges by Kynoch Kunsmis.

The post Kynoch – ‘n EENSTOP vir DIENSTE en OPLOSSING first appeared on Kynoch Fertilizer.

The post Kynoch se KynoHumate Black laat ’n soet smaak first appeared on Kynoch Fertilizer.