Mikro-elemente | Kynoch Fertilizer

BEMESTING: slaggate in interpretasies en aanbevelings

Schizandra Le Roux — Thu, 19 Sep 2024 12:26:19 +0000

BEMESTING: slaggate in interpretasies en aanbevelings

’n Teken van die inligtingsera waarin ons leef, is die feit dat produsente goed ingelig is. In ’n oogwenk word inlighting vanaf webtuistes bekom. Dit bring mee dat ’n produsent sommer self ’n paar berekeninge kan maak oor bemesting. Die inligtingsera bevat egter ’n klompie slaggate waarvan gebruikers bewus behoort te wees. Insig in die waarom, hoekom en oorsprong van tabelle en norme is nodig vir veilige interpretasies.

’n Gewilde berekening wat gemaak word wanneer dit kom by mieliebemesting, is dié van peile vir stikstof (N), fosfaat (P) en kalium (K) deur verwyderingsyfers te gebruik en met verwagte opbrengs te vermenigvuldig (mielieverwyderingsyfers in Tabel 1 aangedui).

Die inligtingsera bring mee dat ’n produsent sommer self ’n paar berekeninge kan maak oor bemesting.

As voorbeeld kan die benadering vanuit Tabel 1 demonstreer word: die NPK-peile vir mieliegraanverwydering van ’n 5 t/ha-graanopbrengs word bereken deur vyf te vermenigvuldig met 14,8, 3,1 en 4 vir ’n bemestingsbenadering van ongeveer 74 kg N, 15,5 kg P en 20 kg K per hektaar. ’n Meerderheid van berekeninge aanvaar dus dat die hoeveelheid NPK-bemesting dieselfde as graanonttrekking gaan wees; dus ’n 1:1-verwantskap tussen graanverwydering en bemesting aan die grond. Hierdie is ’n “agteruit-boer”-handeling, aangesien (a) die verwydering van voedingselemente na plantmateriaal ook plaasvind en nie slegs na mieliepitte nie; asook (b) dat daar verliese in die grond plaasvind wat agterweë gelaat word.

Die netto effek is dat meer voeding onttrek word as wat gedeponeer word. Dit is om hierdie rede dat die N-aanbevelingstabel in Fertasa se Bemestingshandleiding (2016) nie net op opbrengs alleen berus nie, maar gegrond is op totale N-opname en N-lewering by verskillende klei-inhoude (Tabel 2).

Duidelik varieer die voorgestelde N-peile vanuit Tabel 2 vir ’n klei-inhoudreeks tussen 1% en +50%, tussen 123 en 60 kg/ha. Dit verskil betekenisvol van die berekende voorbeeld van 74 kg/ha N (soos bo), wat sal behels dat op kleigrond voldoende N voorsien sou wees, maar heeltemal te min op ’n sanderige grond. Van die 1:1-verhouding waarvan vroeër melding gemaak word, is daar tussen die genoemde N-peil-waardes oor klei-inhoud heen slegs sprake by meer klei-tipe gronde, maar geensins by sandgronde nie. Dit stem ooreen met die Mielie-inligtingsgids van die Landbounavorsingsraad (LNR) waarin melding gemaak word van stikstofbehoeftefaktore. In die geval van Tabel 2, is die N-behoeftefaktore in die syfers ingewerk.

In Fertasa se Bemestingshandleiding (2016) word ook aan duidings verskaf oor die hantering van bemestingsnorme vir P en K. Produsente word versoek om met kundiges te skakel en erkende publikasies te raadpleeg oor bemestingsnorme. Dit bly egter belang rik om voedingsvlakke in die grond deur erkende ekstraksies te laat bepaal en in ag te neem gedurende bemestingsberekeninge.

Bronne

1 Fertasa. 2016. Bemestingshandleiding.

2 LNR-Instituut vir Graangewasse. Mielie-inligtingsgids. Potchefstroom.

Deur: Chris Schmidt en Hentie Cilliers, Kynoch

The post BEMESTING: slaggate in interpretasies en aanbevelings first appeared on Kynoch Fertilizer.

Blaarbespuiting van Pekans – Wanneer en wat?

Schizandra Le Roux — Wed, 31 Jul 2024 05:53:17 +0000

Blaarbespuiting van Pekans – Wanneer en wat?

Blaarvoeding in pekanverbouing is geen nuwe konsep nie en is ‘n belangrike manier vir die volhoubare en effektiewe bestuur van die gewas. Die effektiwiteit van blaarbespuitings word deur talle faktore beïnvloed, insluitend konsentrasie van die spuitoplossing, pH van die oplossing, klimaat, chemiese formulasie van spuitstof en byvoeging van opname verbeteraars. Dit is egter ook belangrik vir die produsent om ingelig te wees oor watter voedingselemente gespuit moet word en die korrekte toedieningstyd vir elke element. Belangrik om te onthou is dat blaarbespuitings nie ‘n vervanging van grondvoeding is nie, maar eerder ‘n gereedskapstuk om die produktiwiteit en kwaliteit van die pekanboom te verbeter. Jong blare, vroeg in die seisoen moet veral voorsien word van addisionele voedingstowwe omdat die ontwikkeling van die blare dikwels die voorsieningstempo van die boom se reserwes oorskry.

Gedurende die groeiseisoen van pekan is daar drie belangrike tye waartydens sekere voedingselemente toegedien kan word vir optimale reaksie in die pekanboom :

Stuifmeel bespuiting (September)

Gedurende die begin van die pekanseisoen is die sogenaamde “basbespuiting” van uiterse belang. Die bespuiting vind plaas gedurende die stadium waar ogies van die boom amper begin oop maak en blomme glad, nognie sigbaar is nie. Die teiken hier is nie die jong ontwikkelende blare nie, maar wel die blomknoppies. Sink, boor, koper en yster verseker die suksesvolle vorming en integriteit van stuifmeel. Dus, verseker dié vroeë seisoen bespuiting dat die bestuiwingsproses optimaal kan plaasvind en die fondasie van die oes goed vasgelê kan word.

Nuwe blaargroei (“flush”) bespuiting (Oktober-Desember)

Gedurende dié groeistadium van die boom is daar ‘n interaksie tussen die boom se behoefte vir sekere voedingstowwe en die omgewing, wat lei tot ‘n beperking in voorsieningstempo vanaf boomreserwes. Vroeg in die pekanseisoen groei die blare teen ‘n vinnige tempo en die voorsieningstempo van voedingstowwe uit die boom kan nie altyd byhou nie. Veral sink, speel hier ‘n belangrike rol. Jong blare benodig sink vir ontwikkeling en die vervaardiging van chlorofil om fotosintese te optimaliseer.

Energie bespuiting (Januarie-Maart)

Dié fase in ontwikkeling word gekenmerk deur neutset- en vergroting. Fosfaat voorsien die boom aan energie vir die suksesolle vul van neute. Stikstof, magnesium en sink verseker optimale fotosintese. Boor en nikkel verminder waterfase bars (“water-stage fruit split”) en ondersteun die ontwikkeling van sterk selwande. Kalium help met die vervoer van stysel en verseker suksesvolle vulling van die neute.

Kynoch bied ‘n verskeidenheid van blaarvoedingsprodukte, insluitend TREE NUT OEMFF FLUSH® en TREE NUT OEMFF FRUIT®. Beide is produkte wat ‘n verskeidenheid van makro- en mikro-elemente bevat wat pasmaak geformuleer is vir spesifieke toediening gedurende die groeiseisoen. KynoFulvate-Yellow® wat ‘n fulviensuur produk is, kan by blaarvoedings gevoeg word om opname van elemente te verbeter. Tesame met blaarvoeding is die toediening van ‘n seewierproduk, soos KynoKelp®, ook voordelig om wortelgroei te stimuleer en omgewing stresfaktore teen te werk. Kontak gerus jou naaste Kynoch verteenwoordiger vir pasmaak oplossings vir jou pekanboord.

Vir meer inligting, kontak Wian Visser, Kynoch Landboukundige, by 011 317 2000.

Kontak jou naaste Kynoch-landboukundige of verteenwoordiger om jou spesifieke behoeftes te bespreek.

Kontakbesonderhede kan gevind word by https://www.kynoch.co.za/contacts/

+27 (0)11 317 2000 – info@kynoch.co.za – www.kynoch.co.za

Kynoch Fertilizer (Pty) Ltd Reg No. 2009/0092541/07

Tree Nut Oemff Fruit® K11229 (Act 36 of 1947)

Tree Nut Oemff Flush® K11228 (Act 36 of 1947)

KynoFulvate Yellow® M261 (Act 36 of 1947)

KynoKelp® M314 (Act 36 of 1947)

The post Blaarbespuiting van Pekans – Wanneer en wat? first appeared on Kynoch Fertilizer.

KYNOCH se spesialisreeks verhoog voedingsdoeltreffendheid

Schizandra Le Roux — Mon, 04 Dec 2023 11:29:36 +0000

KYNOCH se spesialisreeks verhoog voedingsdoeltreffendheid

Jason Sparrow Pr.Sci.Nat.

Die KYNOCH slagspreek: “Verbeterde doeltreffendheid deur innovasie” word nie net gesê nie, dit word toegepas met produkte wat waarde toevoeg en wat effektiwiteit verhoog om maksimum opbrengs te onsluit. Met die verhoogte inset kostes moet produsente alhoemeer risikos verlaag en bestuur.

Die gespesialiseerde Kynoch korrel (Ultra Reeks) en vloeibare (Opti en Auquatech) reekse is een van die bestuurs strategieë wat ‘n produsent kan gebruik om meer effektief te wees met voeding, asook om verliese te verlaag en beperk. Voedingselemente essensieel vir optimale gewas produksie word blootgestel aan verliese wat plaasvind in die grond. Verliese soos vervlugtiging, loging en vaslegging net om ‘n paar te noem, verlaag die doeltreffendheid van kunsmis drasties. Die grondchemiese en -fisiese eienskappe wat so ‘n groot rol speel, word in ag geneem met die formulering van die beste gewas-spesifieke voedingsprogram. Die diagram hieronder wys die voorbeeld van ‘n pyp met gate, en die gate simboliseer die verskeie verliese in die grond. Kynoch probeer die verliese beperk met korrekte toediening van gespesialiseerde produkte.

Voordele van vloeibare kunsmis:

KYNOCH is baie trots op die gehalte van die vloeibare produkreeks en het van die beste voeibare aanlegte in Afrika. Met vloeibare kunsmis word hoogs plantopneembare nutriënte toegedien direk in die grondoplossing van die wortelsone of rhizosfeer. Dit verhoog die effektiwieit van die nutriënte want dit word dadelik opgeneem deur die wortels. Die vloeibare kunmis word ook op die regte groeistadiums van die gewas toegedien. Die voedingsdoeltreffendheid word verder verhoog deur verbeterde grond penetrasie in die wortelsone deur middele van die vloeibare kunsmis. Hierdie is veral voordelig met fosfaat wat baie moeilik beweeg in die grond. Nog ‘n groot voordeel van vloeibare kunsmis is dat dit maklik hanteerbaar is. Pompe en pype doen meeste van die werk en die toediening daarvan is ook baie akkuraat en egalig. Vloeibaar is ook baie aanpasbaar en daar is ‘n groot verskeidenheid produkte met kombinasies van makro-, sekondêre asook mikro-voedingselemente. Hierdie sinergie tussen die essensiële voedingselemente dra by om ‘n balanseerde voedingsbeginsel te kan volg. Hierdie beginsel maksimaliseer opbrengs en kwaliteit, terwyl verliese minimaliseer word. Die foto hieronder wys voorbeelde van die verskillende vloeibae produkte.

Kynoch spesialis vloeibare produk reeks (Opti en Aquatech):

Die toepassing van ‘n gebalanseerde voedingstrategie is een van die belangrikke voedingsbeginsels om te volg. Die interaksie tussen voedingselemente in kombinasie met mekaar in ‘n vloeibare mengsel is noodsaaklik vir plante op ‘n fisiologiese en biochemiese vlak. Vloeibare voedingsprodukte word dus volgens gewas en groeistadium spesifiek geformuleer. Daar is ‘n groot verskiendenheid van produkte met gespesialiseerde kombinasies nutriënte, toepasbaar vir alle omstandighede en gewasse. Kwaliteit vloeibare produkte is altyd die hoogste prioriteit by Kynoch met die gespesialiseerde HpH reeks wat geskik is vir spilpunttoediening asook plant mengsels vir planters. Die Kynoch “Opti” reeks is ‘n unieke reeks wat net by Kynoch beskikbaar is. Die “Opti” reeks gebruik nanotegnologie om die opname van voedingselemente deur die wortels te verbeter. Die tegnologie help ook om die voedingselement beter te verspei binnie-in die plantsel wat die funksionaliteit van die elemente verhoog. Nuwe studies bewys dat die “Opti” reeks verlaag ook die loging van die kunsmis wat ‘n ongelooflikke voordeel is, die grafiek hieronder wys dat na 4 weke die kunsmis nog nie geloog het nie, soos in vergelyking met die ander sonder die Opti.

Die Kynoch “Aquatech” reeks is ‘n spesialiteitsreeks wat uniek en pasgemaak is vir hoë waarde gewasse soos pekanneute, groente en vrugte. Die “Aquatech” reeks is ‘n lae-chloor, nitraat gebasseerde produk wat fokus op die noodsaaklikke katione soos kalium (K), kalsium (Ca) en magnesium (Mg).

Kynoch spesialis Korrel produk reeks (Ultra):

Gewasse het al die essensiële elemente nodig om optimaal te produseer en dit sluit mikro-elemente ook in. Die Ultra® reeks is ‘n doeltreffende manier om ‘n gebalanseerde voedingsbenadering te kan volg. Die Ultra® reeks bevat hoogs gekonsentreerde mikro-elemente wat die korrelkunsmis bedek. Die vlagskip uit die reeks is die Ultra Starter®.

Ultra 2:3:2 (Links) met ‘n baie sterker wortelstelsel teenoor waar ‘n ander kunsmismengsel gebruik was (Regs). Foto krediet: Edward Dwyer

Om verder inligting te bekom oor voedingsbegingsels, kontak gerus vir KYNOCH by 0828055177 of epos jason.sparrow@kynoch.co.za .

KYNOCH: Verbeterde doeltreffendheid deur innovasie.

Kontak jou naaste Kynoch-landboukundige of verteenwoordiger om jou spesifieke behoeftes te bespreek.

Kontakbesonderhede kan gevind word by https://www.kynoch.co.za/contacts/

+27 (0)11 317 2000 – info@kynoch.co.za – www.kynoch.co.za

<>

The post KYNOCH se spesialisreeks verhoog voedingsdoeltreffendheid first appeared on Kynoch Fertilizer.

Gee sojabone hupstoot met dié reeks – Ultra-soja!

Schizandra Le Roux — Mon, 04 Dec 2023 10:49:44 +0000

Gee sojabone hupstoot met dié reeks – Ultra-soja!

Inleiding:

Sojaboonproduksie in Suid-afrika het oor die laaste dekade drasties toegeneem tot ‘n rekord produksie-oppervlakte gedurende 2022/2023. Gedurende hierdie seisoen het die oppervlak aangeplante sojabone dié van geel mielies verbygesteek¹.

Die fokus van navorsing in Suid-Afrika het saambeweeg met dié neiging. Die sukses van elke kommersiële gewas lê in die kennis wat die produsent tot sy beskikking het, gesamentlik met innoverende praktyke wat die produksie van die gewas effektief verbeter. In Kynoch is die fokus op innovasie en opbrengsbevordering om waarde tot die produsent se praktyk te voeg.

Mikro-elemente en hulle funksie in sojabone

Gedurende die afgelope dekade het plantvoeding baie gefokus op mikro-element voeding, sowel as dié van makro-elemente. Verskeie studies plaaslik, en internasionaal, dui op betekenisvolle soja-opbrengsreaksie as gevolg van mikro-element toedienings². Onderstaande Tabel 1 fokus op mikro-elemente wat ‘n beduidende verskil in sojaboonproduksie kan bewerkstellig.

Tabel 1: Mikro-elemente en hulle funksie in sojabone

Element	Funksie
Zn (Sink)	Chlorofilproduksie, sintese van nukleïen sure, verhoogde ouksien metabolisme
B (Boor)	Koolhidraatvorming, stuifmeelintegriteit en ontkieming, selwand- en plant metabolisme
Cu (Koper)	Stikstof- en hormoonmetabolisme, chlorofilproduksie, saadproduksie, voorkoming van swamsiektes
Mn (Mangaan)	Verhoogde aktivering van ensiematiese prosesse, effektiewe proteïensintese, verhoogde nitraatreduksie
Mo (Molibdeen)	Verhoogde fosfor- en ystermetabolisme, reduksie van nitrate, stikstofbinding
Fe (Yster)	Chrlorofilproduksie, katalisator in selverdeling
Co (Kobalt)	Stikstofbinding, algehele plantgroei (stam vorming)

Mikro-element opname en beweging

Wanneer effektiwiteit van mikro-element toediening oorweeg word, is dit duidelik dat in-voor toediening hoogs effektief is. Bykans alle noodsaaklike mikro-elemente vir sojaboonproduksie (B, Cu, Mn, Mo, Co), word hoofsaaklik gedomineer deur massa-vloei opname deur die wortels. Effektiwiteit van voedingsopname is direk afhanklik van die aantal, volume, lengte en verspreiding van plantwortels, dus die droë-massa. Indien bogenoemde effektief bestuur word kan die opname van alle voedingselemente verbeter word.

Oorsig van die Ultra-reeks

Meeste sisteme is beperk tot voor plant-, tydens plant, en/of een bobemesting van kunsmis. Die fokus van die Ultra-reeks is om die mees effektiefste toediening van mikro-elemente op sojabone te bewerkstellig, dus naby die saad.

Die Ultra-konsep is beskikbaar op ‘n wye reeks kunsmismengsels, wat voedingstowwe kan insluit soos stikstof, fosfor, kalium, kalsium, magnesium en swael. Mikro-elemente word op korrels geplaas in nano-fyn vorm. Nano-fyn beteken dat die inhoud van die bedekking fyn genoeg is om direk deur die plantwortels opgeneem te kan word. Mikro-elemente word op elke korrel van die kunsmismengsel geplaas om te versker dat plantopname optimaal kan geskied.

Resultate

Sojabone is bekend vir goeie groeireaksie op mikro-element toediening. Tesame met mikro-element voeding, is swael van kritiese belang in die bemestingsprogram. In onderstaande Tabel 2 word kern proefdata aangetoon.

Tabel 2: Die effek van verskeie plantmengsels op die opbrengs van sojabone

Produk	Opbrengs (kg/ha)	Opbrengsverhoging (kg/ha)	OOB (%)
1.2.4	3277
1.2.4 + 5% S	3580	303	6
Ultra 1.2.4 + 5% S	3854	577	86

*OOB (%) – Opbrengs op Belegging

Duidelik het die insluiting van mikro-elemente, tesame met swael in die plantmengsel, ‘n reuse positiewe verskil gemaak in opbrengs. Die resultate word weereens beklemtoon in die opbrengs op belegging (OOB). Die plantmengsel met swael het ‘n 6% opbrengs op belegging gelewer, terwyl die Ultra-reeks ‘n reuse 86% opbrengs op belegging gelewer het. Dit is duidelik dat die Ultra-reeks die plant effektief voorsien van nodige mikro- en makro-elemente, sonder om die risiko van produksie te verhoog.

Gevolgtrekking

Met grootskaalse verskuiwing na die produksie van sojabone is dit belangrik om risiko meer effektief te verlaag en om die potensiaal vir opbrengs te verhoog. Met die beproefde Ultra-benadering is innovasie op die voorstoep! Die Ultra-benadering bied ‘n reeks van plantvoedingselemente in een pakket vir doeltreffende en effektiewe waardetoevoeging tot sojaboonproduksie.

Skakel vandag nog jou naaste Kynoch landboukundige of verteenwoordiger oor u spesifieke behoeftes. Die Ultra-weg, is ‘n uitstekende weg!

Verwysings

1 – USDA. 2023. South Africa Soybean Area Rapidly Increases. https://ipad.fas.usda.gov/highlights/2023/05/SouthAfrica/index.pdf Date of access: 5 September 2023.

2 – Barbosa, J.M., Rezende, C.F.A., Leandro, W.M., Ratke, R.F., Flores, R.A. & da Silva, A.R. 2016. Effects of micronutrients application on soybean yield. Australian Journal of Crop Science , 10(8): 1092-1097.

Saamgestel deur Ruan Gagiano, ruan.gagiano@kynoch.co.za, 0824601773

Gee sojabone hupstoot met dié reeks – Ultra-soja!

Klik hier vir meer inligting English | Afrikaans

Skakel vandag nog jou naaste Kynoch landboukundige of verteenwoordiger oor u spesifieke behoeftes.

Die Ultra-weg, is ‘n uitstekende weg!

https://www.kynoch.co.za/contacts/

Klik hier vir die aflaaibare PDF

The post Gee sojabone hupstoot met dié reeks – Ultra-soja! first appeared on Kynoch Fertilizer.