Kynoch Ultra Starter – ultra maklik, ultra doeltreffend!

deur Ashleigh Schubert

 

Sukkel jy om jou gewasse te verbou? Is jou grond onvrugbaar? Is jy verlore en moedeloos? Kynoch stel bekend: Ultra Starter!

Hierdie nuwe Ultra-reeks van Kynoch is perfek om nuwe lewe in jou grond en gewasse te plaas.

Of jy met vrugte, neute, groente of weidings boer, hierdie kunsmis kan jou ‘n voorsprong gee. Dit kan in ‘n verskeidenheid korrelkunsmisprogramme gebruik word, wat dit ‘n ideale keuse vir baie boere maak. Dit is uiteenlopend en kan tydens planttyd gebruik word, maar ook na-opkoms as topbemesting.

 

Wat is Ultra-kunsmis?

Dit is ‘n droë, premium korrelkunsmis wat ‘n verskeidenheid voedingstowwe bevat soos stikstof, fosfor, bykomende swael, magnesium en ‘n gespesialiseerde kaliumbron wat ‘n laer soutindeks het. Dit is bedek met ‘n hoogs gekonsentreerde mikro-elementformulering wat sink, yster, mangaan, koper en boor aan die plant verskaf.

Die Ultra-reeks is spesiaal ontwerp vir plante wat mikro-elemente benodig.

Dit is maklik om te gebruik en word op dieselfde manier toegedien as wat jy ‘n standaard korrelkunsmis sou toedien. Soos met al Kynoch se produkte het jy die bykomende voordeel van ondersteuning deur ‘n Kynoch-landboukundige wat voorstelle kan gee oor toedieningstyd, -metode en -volume.

 

Hoekom Ultra Starter?

Enige plant wat ‘n goeie sterk begin het, sal beter presteer as plante wat sukkel om voedingstowwe in daardie eerste belangrike weke te verkry. Wanneer die groeiseisoen begin, sal die mikro-elemente in die kunsmis onmiddellik beskikbaar wees om ‘n sterk begin aan jou gewasse te gee.

Dit is perfek vir jou gewasse se optimale groei, ontwikkeling en produksie. Die Ultra-reeks is maklik om te gebruik en verseker dat jou gewasse ‘n gebalanseerde voedingsbenadering geniet.

Daar is ‘n hele lys toestande wat kan lei tot ‘n tekort aan mikro-elemente. Die formulering van Ultra Starter verseker dat hierdie elemente beskikbaar bly.

Kunsmis verlaag gewoonlik die pH van spesifieke sones rondom die kunsmiskorrels. Dit help die mikro-elemente om langer beskikbaar te bly vir plantopname. Dit is dus ook perfek vir grond met ‘n hoër pH.

 

Vir meer inligting, kontak: 011-317-2000 of info@kynoch.co.za, of besoek www.kynoch.co.za.

Kynoch se KynoFulvate Yellow:

Kunsmis vir elke klimaat!

 

deur Ashleigh Schubert

 

As jy op soek is na ’n kunsmis wat jou gewasse se vermoë tot spanningshantering gaan verhoog, het Kynoch die oplossing vir jou. Kynoch se KynoFulvate Yellow fulviensuur is die antwoord op vrae wat jy nie eers geweet het jy het nie.

 

Fulviensuur – hoe, wat en hoekom?

Volgens navorsing verhoog fulviensuur ’n plant se metabolisme. Hierdie geel-bruin vloeistof veroorsaak beter plantegroei en help die plant om spanningstoestande beter te hanteer.

Fulviensuur, anders as humiensure, is oplosbaar in suur- en alkaliese mediums.  Humiensure vervoer metaal-ione deur ’n komplekse verbinding en is te groot om deur selmembrane te beweeg. Fulviensuurmolekules, aan die ander kant, is klein genoeg om deur die mikroporieë van selmembrane te beweeg. Dit beteken dat fulviensure metaalione soos yster en mikro-elemente vir plantselle beskikbaar stel.

Verder lei fulviensure tot die verhoging van laterale wortelgroei, wortellengte en haarwortellengte. Laasgenoemde is baie belangrik vir goeie voedingstofopname. Op die wyse verbeter fulviensure die algehele wortelgroei.

Met iets so onvoorspelbaar soos reën, is die moontlikheid vir droogtes altyd daar. Daarom is dit nodig om te verseker dat jou plant gereed is om droogte te hanteer. Die KynoFulvate Yellow fulviensuur maak jou plant meer verdraagsaam teen droogtespanning deur die aminosure binne die selle van die plant te verhoog. Dit lei daartoe dat die plant steeds kan groei en ontwikkel ondanks droogtes.

Mikrobes gebruik fulviensure as ’n voedselbron. Dit maak daarom ’n belangrike deel uit van grondbiologie.

Fulviensure is maklik om te gebruik. Dit kan met suur- en alkaliese oplossings gemeng word, wat beteken dit kan met ’n verskeidenheid kunsmisoplossings gemeng word. Dit is egter wys om die mengbaarheid eers op ’n klein skaal te toets.

Om uitstekende resultate van fulviensuur te verkry, kan dit gebruik word in kombinasie met stikstoftoedienings.

Afhangend van waarvoor jy hierdie kunsmis wil gebruik, sal toediening verskil. Blaartoediening is byvoorbeeld anders as toediening vir sproeibemesting. Om meer inligting te verkry oor toediening vir blare, worteldeurweking, sproeibemesting en grondtoegediende vloeibare kunsmis, is die Kynoch webwerf uiters behulpsaam.

Hierdie Kynoch-kunmis is ’n moet-hê vir byna alle boere. Dit kan gebruik word in die meeste landbougewasse. Dit is perfek vir gewasse wat in hulle vestigingstadium is. As jou gebied geneig is tot uiterste klimaatstoestande, is hierdie die kunsmis vir jou.

 

Vir meer besonderhede, kontak 011-317-2000, info@kynoch.co.za of besoek www.kynoch.co.za.

 

Kynoch se KynoHumate Black laat ’n soet smaak

deur Ashleigh Schubert

 

KynoHumate Black is die geheime wapen as jy plante wil hê wat vinnig groei en nie sommer gou flou word nie.

Hierdie donkerbruin vloeistof is kunsmis wat baie humiensuur bevat. Met ’n pH van 10 tot 12 is dit geskik vir alkaliese oplossings en moet glad nie by suuroplossings gevoeg word nie. Die humiensuur wat in hierdie kunsmis is, verhoog die metabolisme van die plant. Dit help die plant om vinniger te groei en beter te presteer onder spanningstoestande.

 

Wat maak humiensure so doeltreffend?

Humiensure is betrokke by verskeie plant- en grondfunksies. Dit help byvoorbeeld om die beskikbaarheid van plantvoeding te beheer. Gevolglik beheer dit ook die samestelling van mikro-organismes in die risosfeer.

Die toediening van humiensuur is baie belangrik vir die bevordering van wortelgroei. Dit het ’n ouksien- of hormoonuitwerking op plante wat veral laterale wortelonwikkeling bevorder. In die grond is daar bakterieë wat saam met die plantwortel leef en die plant se vermoë om voedingstowwe deur die wortels op te neem verhoog. Humiensure ondersteun hierdie bakterieë deur die rol wat dit speel in die grondbiologie.

Metaal-ione soos yster en ander mikro-elemente word vervoer deur die plant. Humiensure bevorder die kompleksering, mobilisering en vervoer van hierdie mikro-elemente. Dit beïnvloed die aluminium en ysteroksiedes in die grondoplossing. Uiteindelik is daar meer fosfaat beskikbaar in die grond vir die gewasse om op te neem.

Te veel sout is nie goed vir gewasse nie. Humiensuur bekamp dit deur die selwande van die plant te beskerm deur ’n verhoogde aminosuurkonsentrasie. Dit verlaag die plant se natrium opname en sodoende word die plant se verdraagsaamheid van hoë souttoestande verhoog.

Dit is ’n uitgemaakte saak: humiensure is goed vir jou plant. Help, gaan hierdie kunsmis help, hetsy dit ’n nuwe gewas is wat in die vestigingstadium is, of ’n volwasse plant wat in spanningstoestande groei.

 

Hoe gebruik ek hierdie kunsmis?

 Afhangende van die doel en die gewas, gaan toediening van die KynoHumate Black verskil. Die tabel hieronder is nuttig vir ’n vinnige antwoord in ’n kunsmis-noodgeval.

 

Vir meer inligting, kontak 011-317-2000, info@kynoch.co.za of besoek www.kynoch.co.za.